Złodzeje ùkredlë dëtczi, czej ksądz chòdzył pò kòlãdze. Pòlicjô prosy ò zabezpieczanié swòjich bùdinków na czas, czej ni ma naju doma.
Szandarzë z Kartuz robią nad sprawą kradzeżë, do jaczi doszło w Gòwidlënie we czwiôrtk 23. stëcznika. Nieznóny sprôwca abò sprôwcë wdzerlë sã tam do bùdinkù plebanie pò wëpchniãcym jednégò z òknów. Przesznëkrowelë mieszkanié i ùkredlë dëtczi. Zdarzëło sã to w dzéń, czej ksądz béł wëszłi z plebanie, żebë chòdzëc pò kòlãdze. Wezwóny szandarzë przëjachelë na môl zdarzeniô. Pòlicjowi technik dokładno òbezdrzôł plac i zabezpiecził szlachë. Rëgnãła szëkba za sprôwcą przesprawiô. Nie je wiedzec, czë bë słëchało parłãczëc napôd na plebaniã z czãstima w slédnym czasu włómaniama do mieszkaniów i garażów w kartësczim krézu. Pòlicjô kôże dawac bôczenié na cëzëch lëdzy i zamëkac swòje dodomë przë wëchôdanim.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie