Nawiôdënë pòdërchają do strzodë. Przegadónô mô bëc sprawa rusczégò gazu, jaczi do niedôwna płënął na Słowacjã z Ùkrajinë.
W niedzelã 12. stëcznika w Mòskwie wëlądowôł fliger z przédnikama słowacczégò parlamentu, Andrejã Danką i Tibirã Gašparã. Jich zadanim je òbgôdanié sprawë przesélënkù przez Ruską Federacjã gazu, jaczi z nowim rokã òprzestôł bëc dotëgòwiwóny na Słowacjã rórama pòd zemią na teritorium Ùkrajinë. Parlamentarziscë ze Słowacje pòtkają sã z przedstôwcama Państwòwi Dumë i rządu, w tim z minystrã bùtnowëch sprôw Sergiejã Ławrowã. Wrócëc mają we strzodã 15. stëcznika. Jak przekònywają, jich réza mô téż przekònac Słowaków ò tim, jak wëzdrzi codniowé żëcé Rusków. Danka dôwôł do wiadë, że przed wëlecenim Słowaków rząd Pòlsczi nie zgòdzył sã na przelecenié nad pòlsczim niebã, ga célã ti rézë bëła stolëca Rusczi, przez co fliger mùszôł przelecec dodôwkòwą dalecznosc. Pòlskô starna cwierdzy, że Słowacë sami zmienilë dargã pò tim, jak dostelë prosbã ò dofùlowanié dokùmentów z wnióskã ò zgòdã ò brëkòwné infòrmacje.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie