Trzënôsce òsób zdżinãło, czej wòjskò rëmało z magazynów nienadôwającé sã do ùżiwkù patrónë.
W pòniedzôłk dwanôstégò maja na indonezyjsczim òstrowie Zôpadnô Jawa w distrikce Garut wòjskò zajimało sã likwidacją stôri amùnicje. Wiezlë jã z magazynu na òdapartniony pòligón, gdze chòwelë je w kùlach, a pò òddalenim sã wësadzywelë jã w lëft. Tak ùdało sã bezpieczno zdetonowac dwa ladënczi. Na pòligón dostelë sã równak cywilë z òkòlégò, jaczi mielë w zwëkù wiedno przëchadac na plac pò kòntrolowónëch detonacjach i szëkac za pòòstałima partama bómbów, żebë je pòtemù przedac. Czej żôłnérze skłôdelë do kùlë trzecy ladënk amùnicje, doszło narôz do dwùch wëbùchów, w jaczim zdżinąło sztërzech wòjskòwëch, w tim wódca jednostczi, a dzewiãc cywilów. Pòdszukòwny armie zbadérëją terô co pò prôwdze doprowadzëło do nagłégò wëbùchù i chto pòzwòlił cywilóm pòdéńc tak krótkò kùlë. H.S.Sz.
Twoje zdanie jest ważne jednak nie może ranić innych osób lub grup.
Komentarze opinie