Ùszkòdzony w pòżarze szwédzczi òkrãt „Sofia” nie dostôł zgòdë na wpłiniãcé do pòlsczich pòrtów. Mùszi bëc òdwlokłi do swòjégò kraju.
Pò tim jak we czwiôrtk 28. smùtana wieczór niedalek Bòrnholmù na płinącym z Ùstczi szwédzczim hańdlowim òkrãce „Sofia” doszło do wëbùchù, a òbsada òsta ewakùòwónô, òstawiony òkrãt béł sczerowóny w czerënkù pòmòrsczégò sztrądu. Ga ten drifòwôł midzë Ùstką a Darłowã, pòjachałë pò niegò dwa pòlsczé retowné holowniczi, chtërne scygnãłë gò do Gdinie, gdze òstôł zabezpieczony na rédze. Zarządzëna pòrtu nie dała zgòdë na wpłiniãcé òkrãtu do gdińsczégò pòrtu. Kapténa jednostczi béł dbë, że pò ùszkòdach sprawionëch przez òdżin ni mòże ju ji sprowadzëc nazôd do Szwédzczi.
Wedle służbów òkrãt stojący na rédze Gdinie nie zagrôżôł strzodowiszczu. W kùńcu pò òbgôdkach dérëjącëch czilenôsce gòdzyn, w niedzelã 1. gòdnika òstała pòdjimniãtô decyzjô, bë òdwléc gò nazôd do Szwédzczi. Wieczorã Mòrsczi Ùrząd w Gdinie pòcwierdzył, że „Sofia” ju òpùszcziwô Gdiniã.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie