Reklama
Wërok za kùpisz pistóla na wòdã
10/02/2026 10:28
Cwiardé szwajcarsczé prawò nie òdpùscëło do czësta białce, co chcała sã przezeblec na karnawał za szandarkã. Dosta równak blós dëtkòwą sztrôfã w zawieszenim.
Rok nazôd jedna Szwajcarka do przezebleczënkù szandarczi na karnawôł zamówiła sobie z Internetu pistól. Miôł bëc różewi ë plastikòwi, na wòdã, a zapłacëła za niegò trzë franczi, to je kòl trzënôsce złotëch. Towôr nigdë do ni nie dojachôł, le zamówienim zainteresowelë sã prôwdzëwi szandarzë. Ti za czile miesący jã òdwiedzëlë i przekôzelë, że colnicë zatrzimelë ji òbsztëlënk, a ji grozy sôdza za sprowôdzanié strzélny barnie zeza grańcë. Wedle szwajcarsczégò prawa nawet bawidła mògą bëc ùznóné za barniã, jeżlë za nią wëzdrzą. Procëm białce rëgnął proces, jaczi pò prôwdze terô pò rokù òd zdarzeniô skùńcził sã wërokã, prôwdac nisczim. Białka dostała piãc dni sôdzë, jaczé pòtemù dzãka òbarnie sąd zamienił na sztrôfã sto piãcdzesąt franków w zawieszenim. Służbë infòrmùją, że w Szwajcarsce je za wiele interwencjów w reakcje na falszewą barniã, żebë prawò szło zletczëc. Je równak bróné pòd rozwôgã, żebë wëmùszëc na internetowëch krómach znaczenié produktów, jaczé ni mògą bëc impòrtowóné do Szwajcarsczi.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Najnowsze wiadomości
- 17/03 Główczëce szukają métlu na wandalów
- 17/03 Chce Narwa òdapartnic sã òd Estońsczi?
- 16/03 Zawiészka na lëché òczë
- 16/03 Lës przepłënął Atlantik
- 15/03 Słowò na niedzelã (15.03.26)
- 14/03 Òkredlë smãtôrz w Niestãpòwie
- 14/03 Etnicznô jednota nade wszëtkò
- 14/03 Król Szwédzczi we Gduńskù
- 14/03 Dolëzna Smiercë òkwiatowónô
- 12/03 Płëwnica Nimfa do zamkniãcô?
- 12/03 Granat pòd skórą ùmarłégò pòjmańczika
- 12/03 Są trapë, ni ma przeńscô do nich
- 12/03 Rozdanié Ig Noblów pierszi rôz w Eùropie
- 10/03 Òdnëkôł agresywnégò amstaffa
- 10/03 Ùkrajina pòmòże biôtkòwac z Szahedama
- 09/03 Banë na centralné banowiszcze w Glasgow strzimóné
- 09/03 Pelplińskô diecezjô ni mô na naprawã dakù
- 09/03 Ruskô wëcopiwô sã z werbùnkù w czile afrikańsczich krajach
- 08/03 Słowò na niedzelã (8.03.26)
- 07/03 Trzë sostrë i òjc prowadzëłë ruchnowi gang
Komentarze