Zgódno z administracjową zmianą Kòbëlnica nôleżi do karna sétmë môlëznów w Pòlsce, jaczé òd nowégò rokù mają status miastów.
Nowi rok 2025 przëniósł zjinakã w prawnym statusu Kòbëlnicë. Òd strzodë 1. stëcznika wies stała sã gardã, wieskô gmina gminą wieskò-mieską, a wëbrónô na ùrząd w séwnikù wójtka Ana Glinieckô-Wòs òstała bùrmésterką. Dzãka starze samòrządu i mieszkańców przódë w lëpińcu ùdało sã zakwalifikòwac Kòbëlnicã do ùdostaniô miesczich prôw, pò dostanim pòzytiwny dbë òd wòjewòdë co do fùnsknérowaniô w Kòbëlnicë mòderny infrastrukturë, technicznëch rozrzeszeniów i dobrze dzejającégò centrum môlëznë. Zjinaka mô dac gminie m.jin. lepszą pòzcyjã w sztridze prowadzonym z samòrządã Słëpska, jaczi planowôł przëjic part terenów gminë Kòbëlnica z ùżëcym przistãpnëch prawnëch métlów. Më piselë na pòrtalu ò sprocëmnienim sã przez radzëznë gminë Kòbëlnicã i Redzëkòwò rozrzeszenióm pòdjimniãtim przez słëpsczich radnëch. Pòcwierdzëło sã to na nadzwëkòwi sesje gminë Kòbëlnica w pòniedzôłk (30 gòdnika), czej radny kanãlë procëm planóm Słëpska. Na dzejanié w swòjich interesach òbëdwa samòrządë mają całi rok, kò planowónô przez Słëpsk zmiana grańców miałabë sã zjiscëc 1. stëcznika 2026 rokù.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie