Wizã dlô białczi wëzwëskóny do robòtë bez zapłatë pòmógł załatwic zastãpnik wësoczégò kòmisarza Ùgandë.
Piãcdzesątlatnô sãdza Nôwëższégò Sądu Ùgandë Lydia Mùgambe, chtërna robiła téż dlô sądu słëchającégò Òrganizacje Zjednónëch Nôrodów, òstała skôzónô przez sąd w Londinie za ùprôwianié niewòlnictwa. Scygła do Anglie młodszą Ùgandijkã, òbiecëjącë ji zwëskòwną robòtã chëczowi w rezydencjach Johna Mùgerwë, tamtoczasnégò zastãpnika wësoczégò kòmisarza Ùgandë. Ten pòmógł wëstawic falszewą wizã dlô òfiarë, a Mùgambë przërzekła mù za to pòmòc w sprawie prowadzony procëm niemù w Ùgandze. Òfiara robiła bez mita za domôcą pòmòc w mieszkaniu ù sãdzë, jakô w tamtim czasu sztudérowała na Oxfòrdze. Mùgambë przékòwała temù, żebë miała swòjã swòjinkã do czegòlebądz przëmùszëwac. Cwierdzëła, że wiedno pòdchôdała do ni z miłoscą, starą i cerplëwòscą, ale sama òszukónô gôdała, że czëła sã sómnô i w niewòlë. To ji sąd dôł wiarã. Lydia Mùgambë òstała skôzónô na szesc lat sôdzë i dwanôsce tësący fùntów òdpłôcënkù.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie