Gard i miastecczi part wëbiôtkòwałë leżnosc òrganizacje wëdarzeniô. Decyzjô bëła pòdjimniãtô na zéńdzenim Kaszëbskò-Pòmòrsczégò Zrzeszeniégò w Miastkù.
W sobòtã ósmégò strëmiannika na zéńdzenim Przédny Radzëznë Kaszëbskò-Pòmòrsczégò Zrzeszeniégò ùchwôlëlë, że Swiatowi Zjôzd Kaszëbów w dwa tësące dwadzestim sódmim rokù bãdze zòrganizowóny w Miastkù. Zéńdzenié bëło prawie w tim gardze. Samòrządzëna i môlowi part Zrzeszeniégò żorgałë ò to ju dłudżi czas, z pòzdrzatkù na mòżebnosc wëzwëskaniô wëdarzeniô dlô promòcje miasta. Miastkò je dalek òd centrum intensywny aktiwnoscë Kaszëbstwa, równak nie béłbë to pierszi taczi gard òd tëch, gdze Swiatowi Zjôzd Kaszëbów ju béł rëchtowóny, jak na przëmiar w Słëpskù w dwa tësące trzecym czë w Pruszczu Gduńsczim w dwa tësące sztërnôstim. Na zéndzenim Przédny Radzëznë pòcwierdzëła sã téż wiada, że za rok Swiatowi Zjôzd Kaszëbów bãdze w Gdinie, czim ùczestnionô bãdze setnô roczëzna przëznaniô gardowëch prôw Gdinie. W tim gardze Zjôzd béł ju rëchtowóny w dwa tësące szóstim. Wôrt téż przëbaczëc, że latos gòspòdarzã bãdze gmina Szëmôłd.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie