Michajił Szacczi zajimôł sã projektowanim barnie, jakô je wëzwëskiwónô przez Ruską w wòjnie w Ùkrajinie.
W parkù w Kòtielnikach na przedmiescym Mòskwë zabiti òstôł Michajił Szacczi, jeden z przédnëch projektantów Projektowégò Bióra Mars, jaczé mòdernizëje rakétë wëzwëskiwóné przez Ruską Federacjã w atakach na Ùkrajinã. W czwiôrtk 12. gòdnika jakno pierszi wiadã ò smiercë Szacczégò pòdôł òpòzycjowi gazétnik Aleksandr Niewzorow. Wedle niegò, zabic projektanta miałë sëłë ùkrajińsczi Przédny Zarządzënë Wëdowiédzë. Ta wiada òstała pòcwierdzonô przez ùkrajińsczé media.
Chłop, chtëren òstôł célã ùkrajińsczich agentów, zajimôł sã mòdernizacją skrãtnëch patrónów Ch-59 do rówiznë Ch-69 a téż robił nad mòdernyma dronama z ùżëcym Sztëczny Inteligencje. Jegò robòta miała kòsztac żëcé tësące niedowinnëch Ùkrajińców, jaczi zdżinãlë w atakach Rusków na ùkrajińsczé gardë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie