Reklama
Zabijôł, bò nie chcało mù sã chòdzëc do pacjentów
06/11/2025 09:17
Zwikszoné dôwczi léków miałe pòmòc chòrim sã òbdac, a jemù òdjic kąsk robòtë – tak sã tłómacził chłop, jaczégò dzejania sprawiłë smierc dzesãc òsób.
Sąd w Akwizgranie skôzôł sztërdzescë sztërë lata stôrégò dozérnika w bòlëcë ò zabicé dzesãc òsób i dwadzesce sétmë prób mòrdarstwa. Jegò proces dérowôł òd strëmiannika. Doszło do tegò midzë gòdnikã dwa tësące dwadzestégò trzecégò a majã dwa tësące dwadzestégò czwiôrtégò rokù. Dozérnik, jaczi robił na nocnëch wachtach, bez brëkòwnotë pòdôwôł pacjentóm na òddzélu paliatiwny òpieczi wiôldżé dôwczi òbdôwnëch léków, a pòtemù òstôwiôł jich samëch. Ùczuł òbwinã, że célowò chcôł skrócëc żëcé pacjentów, le òn sã do tegò nie przëznôł, a òbarna domôgała sã ùniedowinnieniégô. Gôdôł, że chcôł leno to, żebë chòri sã òbdelë, a òn miôł mni robòtë òb noc. Prokùratura scwierdzëła, że taczé zgnilstwò to òsoblëwie niebëlny pòdskacënk, a sprôwca jakno dozérnik dobrze wiedzôł, że dôwczi léków, jaczé pòdôwôł pacjentóm, mògłë zabic. Òstôł skôzóny na dosmiertną sôdzã bez mòżebnoscë wczasniészégò zwòlnieniô. Pòdszukòwny w sprawie zapòwiedzelë, że bãdą jesz badérowac sprawë wczasniészich skargów na skôzónégò, z cządu jegò rëchlészi robòtë w ny bòlëcë.
H.S.Sz.
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie