Reklama

Zabił, rozrąbôł i zakòpôł w kòfrze

Klëka

04/12/2025 10:32

Dorazu bëło zgłoszoné zadżiniãcé z mòżebnoscą pòrwaniô, ale pòdszukòwny delë sã przëzdrzec drëchòwi szukónégò chłopa.

Òd pòniedzôłkù dwadzestégò czwiôrtégò smùtana kòmenda pòlicje we Słëpskù szukała za trzëdzescejedenlatnym Mateùszã Dorawą pòchôdającym z Miastka. Jak pòdôwôł jegò dzewiãtnôsce lat stôri wespółlokatór, chłop wëszedł wieczór z mieszkaniô i nie wrócył. Do matczi zadżinionégò z jegò mòbilczi bëło wësłóné wiadło z żądanim sto tësący złotëch za jegò żëcé. Zachòwanié lokatora zadżinionégò wëdało sã równak pòdszukòwnym pòdezdrzóné. W pòniedzôłk pierszégò gòdnika reno gò zatrzimelë, a wieczór zaprowadzył szandarów do Parkù Kùlturë i Wëpòczinkù w Słëpskù. Tam wskôzôł plac, w jaczim zakòpóny béł kòfer, a bënë rozrąbóné na sztëczczi cało Mateùsza Dorawë. Pò doprowadzenim do prokùraturë we strzodã trzecégò gòdnika jegò lokatór przëznôł sã do tegò, że sóm dlô dëtków wbił mù nóż w serce, rozrąbôł jegò cało w kąpnicë w jich mieszkanim, włożił do kòfra i zakòpôł w parkù. Zabrôł mù téż mòbilkã i béł z nią jachóny do Chòniców, a tam wësłôł wiadã matce òfiarë. Nóż, jaczim sprôwca zabił, jesz je szukóny w rzéce Słëpie. Pòlicjô pòcwierdzëła, że lékarził sã psychiatriczno. Za mòrderstwò z òsoblëwą òkrutnoscą, lëché òbéńdzenié sã z całã i falszëwé zeznania w sprawie ò zadżiniãcé grozy mù dosmiertnô sztrôfa.

H.S.Sz.

Załączniki