Kòntrowersjowi procëmislamsczi dzejôrz Salwan Momika òstôł zabiti w swòjim mieszkanim dzéń przed tim, jak miôł ùczëc wërok za pôlenié Kòranu przed meczetama.
We strzodã 29. stëcznika wieczorã w Södertälje kòl Sztokholmù w swòjim mieszkaniu òstôł zamòrdowóny Salwan Momika, Irakijczik znóny z pôleniô Kòranu w Szwédzczi w latach 2022-2023, midzë jinszima przed dwiérzama meczetu Zayeda bin Sultana Al Nahyana, nôwikszégò meczetu w Sztokholmie. Pòstãpnégò dnia Momika miôł ùczëc wërok za pôlenié Kòranu i pòdskacywanié do niezgarë. Ju przódë, na zôczątkù 2024 za swòje dzejania miôł òstac wëdalony ze Szwédzczi za to, że pòdôwôł sã za chrzescëjana ùstëgòwónégò w Iraku za swòjã wiarã, czej media doszłë do òdjimków, chtërne dokôzałë że béł nôleżnikã szijicczi òrganizacje wespółrobiący z Iranã, ale decyzjô sądu òstała òdcygniãtô z pòzdrzatkù na dostôwóné grozbë torturów pò pòwroce do swòjégò kraju. W sprawie zabicégò Irakijczika szandarzë zatrzimelë ju piãc personów. Dérëje wëdowiédzô w sprawie. Szandarzë sprôwdzają, czë prôwdzëwé są doniesenia ò tim, że w czasu mòrdarstwa Momika prowadzył transmisjã na żëwò w Internece. Premiéra Szwédzczi Ulf Kristersson docygô ùdzél cëzégò mòcarstwa w mòrdarstwie.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie