Reklama

„Zakùrzoné òdjimczi” w Kartuzach

Klëka

27/09/2025 11:42

Wëdarzenié prowadzoné przez Joanã Gòstkòwską miało przëbaczëc gòscóm rolã mùzyczi na dôwnëch Kaszëbach.

We czwiôrtk dwadzestégò piątégò séwnika w Kaszëbsczim Mùzeùm w Kartuzach bëło zrëchtowóné pòtkanié „Zakùrzoné òdjimczi”, prowadzoné przez Joanã Gòstkòwską. Zaprezentowała òna twòrzony przez niã internetowi albùm stôrëch òdjimków z Kaszub, na jaczich je widzec, jak mùzyczné instrumentë przódë lat towarzëłë codniowémù żëcémù. Òpòwiôdała téż ò tim, że kaszëbskô mùzyka dôwni nie wëzdrzała tak, jak dzysdnia colemało jã sã parłãczi, bédëjącë òdswiéżony pòzdrzatk na kùlturã i tradicjã. Bëtnicë wëdarzeniô na pòkazywónëch òdjimkach nalôżelë swòjich krewnëch i dzelëlë sã òpòwiescama ò gwôsnëch doswiôdczeniach òkòma zjawiszcza mùzyczi towarzący czedës familëjny codniowòscë, a nié le parłãczony ze swietlicowim òbleczënkã i wëstãpama przë òrãdzë wikszich wëdarzeniów.

H.S.Sz.