Reklama

Zakôz lataniô dronama w całim kraju

Klëka

30/09/2025 09:59

Aùtór: Lt. Col. Leslie Pratt - MQ-9 Reaper UAV.jpg; zdrzódło: https://pl.wikipedia.org/wiki/Bezza%C5%82ogowy_statek_powietrzny#/media/Plik:MQ-9_Reaper_UAV_(cropped).jpg

Duńskô na piãc dni zabróniła òbëwatelóm wëzwëskiwaniô dronów – leno wòjskò i państwòwé służbë bãdą mògłë jich ùżëwac.

Minister transpòrtu Duńsczi Thomas Danielsen dôł do wiadë, że przez piãc dni, òd pòniedzôłkù dwadzestégò dzewiątégò séwnika do piątkù trzecégò rujana w całim kraju bãdze òbrzesziwôł zôkôz lataniô cywilnyma dronama. Jedurné, jaczich lecbë bãdą dozwòloné, to te nôleżącé do duńsczégò wòjska, pòlicje, krizysowëch służbów i służbë zdrowiégò. Decyzjô òstała pòdjimniãtô pò tim, jak nierozpòznóné dronë pò czile razy przelatiwałë nad wòjskòwima bazama. Służbë docygają, że bëłë rusczé, tak jak slédnym czasã w jinëch krajach, ale dokazac tegò nie mògłë, bò nie ùdało sã jich sczidnąc. W tim tidzeniu Duńskô bãdze gòscëła szczit przédników krajów Eùropejsczi Ùnie, tak tej ògrańczenié rësznotë dlô wszëtczich cywilnëch dronów mô pòsłużëc minimalizacje rizyka prowòkacje abò atakù òb czas szczitu. Za złómanié zakazu grozy dëtkòwô sztrôfa abò do dwùch lat sôdzë.

H.S.Sz.

Załączniki