Reklama

Zakôz miónków psów w Nowi Zelandie

Klëka

11/12/2024 21:34

Òdj. https://pxhere.com/pl/photo/1042801

Do zélnika 2026 rokù rząd Nowi Zelandie chce skùńczëc z miónkama psów, jaczé są pòpùlarnym spòrtã w anglosasczich krajach.

Rząd Nowi Zelandie ògłosył plan delegalizacje praktikòwónëch w tim kraju miónków chartów do zélnika 2026 rokù. Do decyzje doszło pò ùjawnienim wielnëch przëtrôfków niehumanitarnégò òbchôdaniô sã z psama i zabijaniô tëch, jaczé ni miałë dobrëch wëników. Przed wprowadzenim zakazu psëch miónków w kraju miôłbë dërchac cząd wëgasziwaniô ti wietwie spòrtu i bùkmachingù. W tim czasu chartë, chtërne dzysdnia gònią na òbiegach i trenëją w drãdżich warënkach, mają bëc przeniosłé do nowëch dodomów. Jesz przed tim rząd chce wprowadzëc prawò zakazéwającë niebrëkòwnégò zabijaniô psów-miónkarzi.

Nowòzelandczi òbróńcë prôw zwierzãt żëczno przëjãlë zapòwiescë rządu, òdbiérającë to jakno dobëcé w sprawie, ò jaką biôtkòwelë òd lat. Do przemësleniô decyzje wzéwają przedstôwcowie strzodowiszcza òrganizëjącégò taczé miónczi, przë jaczich robi kòl tësąca òsób na fùl etace.

Reklama

H.S.Sz.

Czytaj nas w Google

Dodaj do Google

Źródło i opracowanie własne