Za trzë miesące wchôdô w żëcé ùchwôlënk, jaczi mô zaradzëc na jiwrë z nocnyma interwencjama pòlicje kòl spitëch.
Mieskô radzëzna w Dërszewie radzëła nad ùchwôlënkã, jaczi nie dozwòliwô na przedôwanié alkòholu w gardze w gòdzënach 23.00–6.00. Miôł òn rozrzeszëc tôczel nocnégò brasowaniô i czãstëch szandarsczich interwencjów w òbéñdze szasëjów Żwirczi, Pòlsczégò Wòjska i Grunwaldzczi. Przëstojnicë zjinaczi dôwelë téż bôczenié na òglowòpòlsczi jiwer alkòholizmù i jegò negatiwny cësk na spòlëznã. Pierwòszny projekt nowégò prawa zakłôdôł, że zakôz bãdze dzejôł òd 22.00. Pò przesëniãcym grańcë ùchwôlënk òstôł przëjãti. Procëm bëło blós sztërzech radnëch, jaczi wskazywają, że piérwi nót bë bëło wprowadzëc òstrzéżné métle, a nocnô prohibicjô miała bë bëc òstatecznoscą. Procëmnicë zakazu przërëchtowelë téż dwie peticje, jaczé òstałë òdrzuconé przez kòmisje dzejającé kòl miesczi radzëznë. Zakôz wchôdô w żëcé za trzë miesące.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie