Reklama

Zakôz tobacznëch wërobinów w całim kraju

Klëka

02/11/2025 12:25

Aùtór: Nevit Dilmen; zdrzódło: https://pl.wikipedia.org/wiki/Geografia_Malediw%C3%B3w#/media/Plik:Maldives_00212.JPG

Lëdze ùrodzony w dwa tësące sódmim rokù i pózni ju nigdë nie zapôlą w Malediwach cygaretë – przënômni taczé je założenié przëjimniãti prawie regùlacje.

Malediwë wprowadzëłë pòkòleniowi zakôz kùrzeniô żëkù a téż kùpiwaniô tobaczi we wszelejaczich pòstacjach. Bãdze òn òbrzesziwôł dlô wszëtczich ùrodzonëch pò pierszim stëcznika dwa tësące sódmégò rokù, wedle zamësłu regùlacje do kùńca jich żëcégò. Zakôz òbjimô tak òbëwatelów jak turistów, jaczi na Malediwë trójno przëjéżdżają. Przedôwcë bãdą mielë òbrzészk sprawdzac wiek kùpiwającégò. Célã regùlacje mô bëc wëchòwanié pòkòleniégò wòlnégò òd tobaczi. Razã z tą regùlacją òstôł téż wprowadzony cawny zakôz elektronicznëch cygaretów dlô wszëtczich, niezanôleżno òd wiekù. Za złómanié zakazu grożą wësoczé dëtkòwé sztrôfë. Malediwë są dzys jedurnym krajã z taczim zakazã co do tobaczi, ale nie bëłë pierszé – ùdbã pòdezdrzałë òd Nowi Zelandie, jakô pòkòleniowi zôkôz wprowadzëła w smùtanie dwa tësące dwadzestégò trzecégò rokù, ale pò zjinace rządu copnãła gò rok pózni, tłómaczącë decyzjã zbòjaniama ò rozwij czôrnégò rënkù.

H.S.Sz.