Wedle zwëkù akòrdióniscë spróbùją pòbic rekòrd. Wëkònają znóné kaszëbsczé melodie.
Z leżnoscë Dnia Jednotë Kaszëbów na latosëch òbchòdach tegò swiãta w Bólszewie 23. strëmiannika akòrdióniscë z całëch Kaszub spróbùją pòbic rekòrd w lëczbie lëdzy równoczasno grającëch na akòrdionie. Za òrganizacjã wëdarzeniô òdpòwiôdô Paùel Nowak z Sëlëczëna, jaczi téż tam òrganizëje Midzënôrodny Akòrdionowi Festiwal. Do ùdzélu w bicym rekòrdu w Widzawiszczowò-Spòrtowi Halë kòl Spòdleczny Szkòłë nr 2 w Bólszewie są rôczony wszëtcë chãtny miéwcowie akòrdionów. Ni ma wiekòwëch ògrańczeniów. Nót je równak sã zapisac przez internetowi fòrmùlôrz. Akòrdióniscë bãdą wëkònewac sztërë dokazë: „Marsz Kaszëbsczi” kómpòzycje Féliksa Nowòwiejsczégò, „Żebë wrócył ten czas” Antóniégò Peplińsczégò, a téż lëdowé melodie „Séwca” i „Wiém, jô wiém”. Zapisë zamikają sã 20. strëmiannika. Dzéń Jednotë Kaszëbów ùpamiãtniwô pierszą nadczidkã na pismionie ò Kaszëbach w bùllë papieża Grégòra IX z 19. strëmiannika 1238, czej pòcwierdzył òn joannitóm dobra nadóné przez ksãcã Kaszëb Bògùsława I. Pòwrózk do zapisów: https://elektronicznezapisy.pl/event/12457/strona.html?fbclid=IwZXh0bgNhZW0CMTAAAR2nJ9edfaBHGS3XcLIe8oEp-07dkhb-pxoYXLlJ_u7kzMEnKsZylsPBfDQ_aem_Jr21qyk5A4BVARIC43Df8A
Twoje zdanie jest ważne jednak nie może ranić innych osób lub grup.
Komentarze opinie