Reklama

Zawieszenié barnie midzë Izraelã a Hamasã

Klëka

18/01/2025 12:42

Jedno z nielegalnëch żëdowsczich sedlëszczów w Palestinie. Òdj. Dark Majkòwsczi

Przëjãti ùgôdënk mô dac spòdlé pòd pòstãpny stójny mir na Blësczim Wschòdze. Mô weńc w żëcé w nôblëższą niedzelã.

Òstôł przërëchtowóny dokùment ùgôdënkù w sprawie zawieszeniô barnie midzë Izraelã a Hamasã. Mediatorama w negòcjacjach bëłë Egipt, Katar i Zjednónë Stanë – òne ju zacwierdzëłë zamkłosc dokùmentu, szlachòwno palestińskô òrganizacjô Hamas. Jesz warają diskùsje w izraelsczim rządze, ale jegò przedstôwcowie są gwës, że ùgôdënk òstónie przëjimniãti. Żelë tak sã stónie, wedle dokùmentu zawieszenié barnie mô weńc w żëcé w niedzelã 19. stëcznika, pò 15 miesącach wòjnë w Conie Gazë.
Dokùment zakłôdô, że òb pierszé 42 dni izraelsczé wòjska mają bëc wëcopiwóné na pòrénk od Conë, a tej rozmieszczoné wedle ji grańcë, co mô pòzwòlëc na wëmianã pierszich pòjmańczików i całów, a téż pòwrót przesedlonëch dodóm. Nôpózni 16. dnia pò przëjãcym ùgôdënkù mają zaczic sã negòcjacje w sprawie nédżi pòjmańczików, stójnégò zawieszeniégò barni i cawnégò rëmniãcô izraelsczi armie z Cone Gazë. W trzecym etapie mô nastãpic wëmiana całów ùmarłëch w niewòlë i zôczątk òdbùdowë znikwionégò wòjną regionu. Egipt, Katar i USA mają pilowac słëchaniô przez wrodżé stronë przëjãtëch pòstanowieniów.

H.S.Sz.

Czytaj nas w Google

Dodaj do Google

Źródło i opracowanie własne