Reklama

Zawieszenié barnie w Conie Gazë

Klëka

11/10/2025 16:44

Chalil Al-Hajja; Khamenei.ir, zdrzódło: https://pl.wikipedia.org/wiki/Chalil_al-Hajja#/media/Plik:Khalil_al-Hayya_2024_(cropped).jpg

Hamas i Izrael ògłôszają stójny kùńc wòjnë, chòc to dopiérze pierszé kroczi w zjiscenim dwadzescepùnktowégò mirnégò planu Donalda Trumpa.

We czwiôrtk dzewiątégò rujana jeden z przédników Hamasu Chalil al-Hajja ògłosył przëjimniãcé ùgôdënkù kùńczącégò wòjnã w Conie Gazë. W piątk dzesątégò rujana w nocë zacwierdzył gò izraelsczi rząd. Chòdzy ò pierszi etap mirnégò planu bédowónégò przez prezydenta Zjednónëch Stanów Donalda Trumpa. Biôtczi mają bëc strzimóné, Hamas wëdô dwadzescë żëwëch pòjmańczików i cała dwadzesce òsmë zabitëch, a Izrael wëpùscy dwasta piãcdzesąt palestińsczich sôdzewëch skôzónëch na dosmiertną sôdzã i tësąc sétmëset zatrzimónëch w Conie Gazë òd wëbùchù wòjnë dwa lata nazôd, w tim wszëtczé białczi ë dzecë. Izraelsczé wòjskò wëcopało sã téż za wëmierzoną liniã w òbrëmim Conë. Dali òstónie w ji grańcach, żebë nie zdjimac cëskù na Hamas, chtëren wedle pòstãpnëch pùnktów planu mô bëc rozbrojony. Palestińsczé rodzëznë zaczãłë wracac do zrëjnowóny Gazë.

H.S.SZ.

Aktualizacja: 12/10/2025 16:48