Reklama

Zawiészka na lëché òczë

Klëka

16/03/2026 12:13

Òdj. https://www.facebook.com/profile.php?id=100082951761855

Jak gôdają badérowie, wedle Rzimión, chto miôł taczi amùlet, nie dôł sã ùczarzëc. Nalézenié rzimsczégò artefaktu mòże swiadczëc ò turze anticznégò hańdlowégò szlachù nad Bôłt.

Midzëwòjewódzkô Detektoristiczno-Eksploracjowô Stowôra Ùniô znowiła swòje szëkbë pò zëmie. Pierszą szëkbã prowadzëła latos w Tëchòlsczich Bòrach. Przez czile dni pòszëkiwarze dorobilë sã pierszi wôżny zwënédżi – ùdało jim sã nalezc rzôdczé na Pòmòrzim artefaktë z rzimsczégò cządu. Bëłë westrzód nich strzébrné mònetë, zapinczi do ruchnów, òkùcé òd pasa i bronzowô òzdóbka w sztôłce wòznégò kòła i niezidentifikòwóny òdléw szlachùjący za kaczką. Nôòsoblëwszi je jeden amùlet, kòl dwa tësące lat stôri. Mô fòrmã zawiészczi za kółkò z wëdżibłim w dół półmiesądzã, z jaczégò sztopòrczi w górã element w sztôłce chłopsczégò człónka. Całosc mô czile centimétrów. Wedle badérów szlachòwné zawiészczi, zwóné z łacyńska fascinum, miałë barnic lëdzy przed lëchim òkã a téż òglowò zagwësniwac wszelejaczi zdar miéwcë. Nôszało sã je przë pasu, na szëji abò na ruchnach. Rzôdczé nalézeszcze dowôrtnił wòjewódzczi kònserwatór zaòstałosców, jaczi ùprzistãpnił wiadã ò rzimsczi pënce dotąd skrëti w błotach Tëchòlsczich Bòrów.

H.S.Sz.

Źródło i opracowanie własne