Reklama

Zdrëszëna służbë zdrowiégò z wòjskã

Klëka

28/10/2025 13:54

Z Kaszëb, Zdrëszëna służbë zdrowiégò wòjskã - zdjęcie, fotografia

Dzãka przëjimniãtémù rozrzeszeniémù Kòscérzna mòże zwëskac na strategicznym znaczenim. Personel tuwòtny bòlëcë bãdze brôł ùdzél w szkòleniach Ministerstwa Nôrodny Òbarnë.

Specjalisticznô Bòlëca w Kòscérznie doparłãczëła do òglowòpòlsczégò programù Ministerstwa Nôrodny Òbarnë „Bòlëce Drëszné Wòjskù”. Dobrowòlny program òbrzesziwô bòlëcã do zagwësnieniô żôłnérzóm, weteranóm, rezerwistóm i jich rodzëznóm łôtwiészégò przistãpù do wëbrónëch zdrowòtnëch swiôdczeniów w szpitalu. Za to òbsada bòlëcë bãdze mògła brac ùdzél w specjalisticznëch szkòleniach òrganizowónëch przez Ministerstwò Nôrodny Òbarnë. Òb czas tëch cwiczeniów òsoblëwi cësk bãdze pòłożony na dzejanié służbë zdrowiégò w nadzwëkòwëch sytuacjach czë medicynã biôtkòwiszcza. Do tegò bòlëca mòże rechòwac na ùdëtkòwienié ze strzódków planu òchrónë lëdztwa i jinszich rządowëch programów rzeszącëch sã z nôrodnym bezpiekã. Jak pòdczorchiwô przédniczka zarządzënë bòlëcë Marzena Mrózk, na tim zwëskają nié le sami żôłnérze, le téż wszëtcë mieszkańcë regionu, jaczi bãdą mòglë rechòwac na sprawné dzejanié personelu kòscérsczi bòlëcë w wëpôdkù katastrofów abò zbrojnëch dzejaniów.

H.S.Sz.