Bùrméster sycilijsczégò gardu zakôzôł mieszkańcóm wërzëcac smiecy òb dzéń, żebë turiscë tegò nie widzelë.
Cateno de Luca, bùrméster Taòrminë na Sycylie, wëdôł rozpòrządzenié, wedle jaczégò mieszkańcë historicznégò partu gardu mògą wërzëcac abò wëstawiac smiecë do zabraniô przez kòmùnalné służbë òd wpół drëdżi w nocë do piąti reno, z grozbą dëtkòwi sztrôfë za złómanié reglów. Ògrańczenié mô òbrzeszëwac sétmë miesący w rokù, w cządze nôwikszi turisticzny rësznotë. Słëchac mù mają wszëtcë mieszkańcë stôrégò miasta, bez różnicë z pòzdrzatkù na wiek abò rodzëznową stojiznã. Bùrméster cwierdzy, że je to brëkòwné, bò całi swiat przëjéżdżô do Taòrminë, jakô sã ni mòże prezentérowac jakno brëdny gard, i nie zmieni swòji decyzje. Procëm zôkazowi òstôł ùsadzony kòmitet mieszkańców „Prawò do Snu”, a téż inicjatiwa karna miesczich radnëch, jaczi bãdą mielë starã ò rozszérzwienié dozwòlonëch gòdzyn wërzucaniô smiecy.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [3-8.08]](https://cdn.cmc-gallery.pl/static/files/gallery/590/thumb__1884964_1756835684.webp)
Komentarze opinie