Lodówca na Galdhøpiggen za òsmë lat mòże ju nie bëc. Òpózdnic jegò topnienie mòże ladowanié na górã co rok skòpicë sztëcznégò sniegù.
Norwedzë planëją retac lodówc na nôwëższi górze Norwegie i całi Skandinawie, Galdhøpiggen w górsczim sztremlu Jotunheimen, na pôłnim Norwegie. Wedle òbtaksowaniów direktora tameczny pùrgówi stacje, Pera Arnégò Volégò, za jegò kadencje lodówc stracył sétmënôsce métrów, a cawno zniknie za òsmë lat. Métlã na to, żebë òpózdnic ten proces, mòże bëc nawiéwanié na wëszińc górë sztëcznégò sniegù. Brëkòwné bë na to bëło sétmëset tësący szescennëch métrów na rok, co wëmôgało bë wspiarcégò òd rządu. Wedle znajarza z Norwesczégò Ùniwersytetu Nôùczi i Technologie profesora Runégò Stranda Edegòrda, nawetka takô wielëna nie strzimô topnieniô sniegù na stójno i w kùńcu klimaticzné zjinaczi doprowadzą do tegò, że lodówc na Galdhøpiggen w kùńcu zniknie cawno.
Twoje zdanie jest ważne jednak nie może ranić innych osób lub grup.
Komentarze opinie