Wedle szandarów przëczëną wëpôdkù bëła strata energie i mechaniczné felënczi òkrãtu.
W sobòtã sétmënôstégò maja wieczór meksykańskô szkòleniowô żeglówka „Cuauhtémoc” stracëła mòc òb czas manewrów na East River w Nowim Jorkù i zahôknãła masztama ò Brooklińsczi Mòst. Wszëtczé trzë masztë òstałë ùszkòdzoné, a jich fragmentë spadłë na pòkłôd òkrãtu. W sztóce wëpôdkù na masztach bëło czile nôleżników òbsadë, a jich òdłómczi spadłë na lëdzy na pòkładze. W sëmie z dwasta sétmëdzesąt sétmë sztëk lëdzy dwùch zdżinãło, a dzewiãtnôsce bëło renionëch, z czegò dwùch je w kriticzny stojiznie. Nicht nie wpôdł do wòdë. Sprowadzony na sztrąd òkrãt nie nadôwô sã do dalszi żeglôrczi i mùszi bëc ùprawiony. Brooklińsczi Mòst òstôł zamkłi na czile gòdzyn. Pò zbadérowaniu placu, gdze masztë ò niegò ùderzëłë, òkôzało sã, że ni ma pòwôżniészich ùszkòdów i droga mòże bëc nazôd òdemkłô.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie