Reklama

Zemsta òchróniarzów

Klëka

17/01/2026 16:14

Z Kaszëb, Zemsta òchróniarzów - zdjęcie, fotografia

Mielë zagwësnic bezpiek na rozegracje, le pòbilë jednégò chłopa. Takno chcelë mù òdpłacëc za swòjégò drëcha.

Prokùratura w Chònicach wëdała òbskôrżenié w sprawie łońsczich Kaszëbsczich Zetkaniów z Fòlklorã Swiata wew Brusach w lëpińcu. Piãc òchróniarzów òd dwadzesce jeden do sztërdzesce òsmë lat stôrëch zajimało sã zabezpieczanim rozegracje, czej przëszedł na niã znóny jim Paùel H. Ten miôł pòbic przódë jich drëcha z òchróniarsczi firmë. Ùdbelë so zemscëc sã na nim i sami gò pòbilë – takô òbskôrga òstała jim pòstawionô. Niżóden òd nich do winë sã nie przëznôwô. Pòlicjô zabezpieczëła równak nagrania z placu zdarzeniô, gdze je dokładno widzec, jak piscama gò òbkłôdają pò głowie, srąbie i plecach. Òd piãc òchróniarzów le jeden béł ju w sztridze z prawã – béł kôróny za prowadzenié aùtoła bãdącë spitim ë sprawienié wëpôdkù, a téż za próbã gwôłtu. Wszëtczim piãc sprôwcóm grozy do piãc lat sôdzë.

H.S.Sz.

Załączniki