Gbùrzë i pasturze bãdą mòglë na gwôsną rãkã òdstraszac wôłczi òd pòdchôdaniô do dobëtkù. Tikô sã to sztërzech môlëznów.
Regionalny Direktór Òchrónë Strzodowiszcza we Gduńskù w òdpòwiescë na corôzka czãstszé zgłoszenia mieszkańców gminë Somònino ò pòdchôdanié wôłków do gbùrstwów wëdôł pòzwòlenié na ùmëslné płoszenié tëch zwierzãt na terenach wkół gbùrstwów i pôsników. Pòzwòlenié òbrzesziwô dlô Somònina, Egertowa, Pòłãczëna i Gòrãczëna do trzëdzestégò pierszégò rujana. Żebë chronic swój dobëtk mieszkańcë tëch wsów bãdą mòglë brëkòwac hukòwëch petardów, strobòskòpòwëch widów, fladrów i płotów pòd sztrómã. Wëszëznë gminë Somònino dałë do wiadë, że ùżiwanié tëch métlów wcyg mùszi miec w ùwôżanim reglë òchróné nôtërnégò strzodowiszcza i gatënkù wôłka. Dali téż mieszkańcë mielë bë zgłaszac niecodniowé zachòwania rabùszników do Ùrzãdu Gminë, żebë jiwer òstôwôł pòd kòntrolą wëszëznów.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie