Reklama

Zgòdã na ekshumacjã pòmòrdowónëch w Ùgłach

Klëka

14/10/2025 10:31

Òdj. facebookòwô starna Stowarzyszenie Pojednanie Polsko-Ukraińskie

Stowôrze Pòlskò-Ùkrajińsczé Ùgòdzenié ùdało sã ùdostac zgòdã z Ùkrajinë na przeprowadzenie w pòstãpny wòłińsczi wsë ekshumacje òfiarów tameczny zbrodnie na pòlsczim lëdztwie.

Ambasadór Ùkrajinë w Pòlsce Wasyl Bòdnar dôł do wiadë, że ùkrajińsczé Ministerstwò Kùlturë i Strategiczny Kòmùnikacje przekôzało pòlsczi starnie zgòdã na przeprowadzenié ekshumacje w Ùgłach w rówieńsczim òbwòdze. Wniósk béł złożony przez Karolëna Romanowską ze Stowôrë Pòlskò-Ùkrajińsczé Ùgòdzenié. W Ùgłach w maju tësąc dzewiãcset sztërdzestégò trzecégò rokù mòrdu na Pòlôchach dokònałë jednostczi Ùkrajińsczi Pòwstańczi Armie. Dzysdnia we wsë mòdżiłë zabitëch dozérają mieszkańcë, Ùkrajińcë. Karolëna Romanowskô pòdsztrichnãła, że zgòda na ekshumacjã w Ùgłach mô dlô ni òsoblëwi, òsobisti znaczënk, bò leżą tam i nôleżnicë ji rodzëznë. Przewidzała, że jesz latos mòże sã tam zaczic szëkba za doczasnyma néżkama pòmòrdowónëch, co bë ni miało zabrac wicy jak dwùch dni. Gôdô téż ò dobri wespółrobòce ùkrajińsczi a pòlsczi starnë òkòma ekshumacjów na Wòłiniu i ùpamiãtniwaniô òfiarów wòłińsczi zbrodnie.

H.S.Sz.

Załączniki