Dzejają pòlskò-ùkrajińsczé karna, jaczé mają przërëchtowac prawné òbrëmié dlô planowóny szëkbë za Pòlôchama pòmòrdowónyma w latach 1943-1944.
W piątk 10. stëcznika premiéra Pòlsczi Donald Tusk dôł do wiadë, że Ùkrajina dała zgòdã na pierszé ekshumacje òfiarów pòlsczi mniészëznë na Wòłiniu, zabitëch przez òddzéle Ùkrajińsczi Pòwstańczi Armie w latach 1943-1944. Òd 2017 rokù Ùkrajińsczi Institut Nôrodny Pamiãcë nie dôwôł zgòdë na szukanié ani ekshumacje w môlach, gdze miało duńc do masowëch mòrdów, co bëło reakcją na rëmniãcé nôzwësków nôleżników ÙPA z tôflë na zbiérnym grobie Ùkrajińców, jaczi zdżinãlë z rãków sowiecczégò NKWD na górze Mònastir na terenie Pòlsczi. Òd tamtégò czasu midzë pòlską a ùkrajińską starną dérowałë negòcjacje. Ùkrajińsczi wiceminister kùlturë Andrij Nadżos zagwësnił ò nawzôjnym zrozmienim brëkòwnotów tak pòlsczi jak ùkrajińsczi spòlëznë. Karna z òbùch karnów zaczãłë przërëchtowania do ekshumacjów. W mòrdze na Wòłiniu z rozkazu półkòwnika UPA Dmitra Klaczkiwsczégò i przë zgòdze wódcë Òrganizacje Ùkrajińsczich Nacjonalistów Rómana Szuchewicza nôleżnicë ùkrajińsczich nacjonalisticznëch òrganizacjów razã z przëstojnikama zabilë kòl 50-120 tës. mieszkańców pòlsczich wsów na Wòłiniu.
H.S.Sz.
Twoje zdanie jest ważne jednak nie może ranić innych osób lub grup.
Ten komentarz jest ukryty - kliknij żeby przeczytać.
Ten komentarz jest ukryty - kliknij żeby przeczytać.