Reklama

Złapóny kradélcowie aùtołów

Klëka

08/12/2024 23:41

W Lãbòrgù i Słëpskù szandarzë złapelë nôleżników karna przesprawców, co kredlë aùtołë.

Dzãka wespółrobòce kriminalnëch wëdzélów słëpsczi i gduńsczi pòlicje ùdało sã zatrzëmac trójkã kradélców aùtołów, jaczi dzejelë w zôpadnopòmòrsczim wòjewództwie i słëpsczim krézu. Szandarzë zajimelë sã sprawą òd czile miesãcy, szukającë za karnã, jaczé za cél brało colemało wòzë tëch samëch merków i módelów. W niedzelã 1. gòdnika w nocë w centrum Słëpska ùdało jima sã złapac 36 lat stôrégò kradélca w aùtole, chtëren miôł czile gòdzyn przódë ùkradłé z Kòlbrzegù. Razã z nim bëła jegò 32-latnô brutka, jakô pòmôgała w kradzenim, m. jin. przez dowòżenié kradélców na parkindżi. Niedługò pòtemù w Lãbòrgù schwôcóny òstôł jich wespólnik, chtëren téż brôł ùdzél w ùkradniãcym aùtoła w Kòlbrzegù. Wóz wôrt 100 tës. złotëch òstôł òddóny jegò miéwcóm.

Chłopi òstelë aresztowóny na 3 miesące, a białka dosta szandarsczi dozér. Są mòżebné pòstãpné zatrzimania, jeżlë òstóną nalazłi pòstãpny nôleżnicë gangù.

Reklama

H.S.Sz.

Czytaj nas w Google

Dodaj do Google

Źródło i opracowanie własne