Pòmòrsczé wòjewództwò zetkało sã z nôwikszą wielëną òpadów w całi Pòlsce, przez co ògniarze wëjéżdżelë do zaleniów przez tësąc razy.
Òd pòniedzôłkù dwadzestégò ósmégò lëpińca reno w pòmòrsczim wòjewództwie òb dzéń a noc spadło sto trzëdzescë milimétrów wòdë na kwadratméter – nôwicy w kraju. Służbë interweniowałë przez tësąc razy. Nôgòrszé zalenia bëłë równak we wschódnym parce wòjewództwa, na Zëławie, a òsoblëwie w nowòdwòrsczim krézu. Tam trzësta chëczi bëło pòdtopionëch, a interwencjów bëło przeszło dwasta. Dosc wiele wëjéżdżałë w teren téż ògniarsczé półczi na Pòwislim, w Pruszczu, Trzëgardze a téż w Pùckù. Strzédné skùtczi prëczka miała we wejrowsczim, kartësczim czë dërszewsczim krézu, a pôłniowé ë zôpadné partë wòjewództwa prakticzno nie ùcerpiałë, chòc pòmòc do nowòdwòrsczégò krézu scygała nawetka ze Słëpska i Chòniców. We Gduńskù deszczu spadło szlachòwno co przë zalenim w dwa tësące sétmënôstim rokù, le stratë bëłë wiele mniészé. Prezydentka Aleksandra Dulkewicz pòdzãkòwała za sprawné prewencyjné dzejania służbów, a téż wskôzała na zwënégã samòrządu w wëdanim szescset miliónów złotëch na òbarnã przed zalenim.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie