Reklama
Zletczenié dlô pasażérów, ale na jaczi òbéńdze?
21/02/2026 14:29
Banama rozmajitëch przewòzników bãdze szło jachac na jednym biliece – to nôgwësni stónie sã ju e łżëkwiace. Do òbgôdaniô òstało, jak dalek òd stolëcë bãdze taczé zletczenié pasażéróm słëchało.
Òb czas swòji wizytë we Gdinie we czwiôrtk dzewiãtnôstégò gromicznika minister infrastrukturë Dariusz Klimczôk dôł do wiadë, że je mòżebné wiôldżé zletczenié dlô Pòmòrzón rézëjącëch baną. Nôgwësni w strëmiannikù òstónie pòdpisóny ùgôdënk z przewòznikama, dzãka jaczémù Intercity, Pòlregio i Chùtkô Gardowô Bana bãdą pòspólno honorowac bilietë. Rézëjący cugama rozmajitëch przewòzników bãdą mòglë kùpiwac le jeden biliet na całą rézã. To na gwës bãdze wigódniészé przë transakcje, a przë dobrim ùgôdanim warënków mòże téż zmniészëc kòsztë taczich rézów. Nie je równak wiedzec, na jaczi òbéńdze taczé zletczenié bãdze òbrzeszëwac. Minimùm to Trzëgard, a maksymùm to wszëtczé stacje pòmòrsczégò wòjewództwa, i za tą drëgą òpcją je téż minister Klimczôk. Zmianë mògą wéńc w żëcé ju òd łżëkwiata. Pòmòrsczé dzysdnia przódkùje midzë wòjewództwama, jeżlë jidze ò wielënã lëdzy, co sã dôwają na jeżdżenié baną.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze