Trzë i pół kilométra nowi drodżi mòże przejachac aùtołã, kòłã, abò przeńc piechti.
We czwiôrtk dwadzestégò strëmiannika òficjalno òdemkłi òstôł nowi zôpadny òbjôzd Chòniców. Je to nié blós szasé dlô aùtołów, le téż kòłowô stegna i deptownik. Inwesticjô za sétmëdzesąt miliónów złotëch mô dac wiôlgą zelgã, żelë jidze ò aùtołową rësznotã w centrum gardu. Na ùroczëznie symbòlicznégò òdemkniãcô òbjazdu przez biegôczów na deptownikù, kòłów na kòłowi stegnie i zabëtkòwëch aùtołów na szasym, bëlë bëtny samòrządówcë, jak bùrméster Arseniusz Finster. Ten przëbôcził, że planë tegò òbéńdzeniô bëłë fardich ju piãcdzesąt piãc lat dowsladë, co znaczi, że samòrząd béł bëlno przërëchtowóny do zjisceniô inwesticje. Marszôłk pòmòrsczégò wòjewództwa Mieczisłôw Struk gôdôł ò planach pòstãpnëch òbjazdów wkół gardów w wòjewództwie – Skórcza i Kartuz. Nowô droga zaczinô sã òd ronda kòl szasëjów Bëtowsczi i Lasowi kòl bòlëcë, a cygnie sã przedmiescama jaż do ronda kòl Sãpòleńsczi szasëje, kòl stacje òpału w Nieżëchòjcach. H.S.Sz.
Twoje zdanie jest ważne jednak nie może ranić innych osób lub grup.
Komentarze opinie