Reklama

Zwierzãta z Wejrowa zawiozą do Gdinie

Klëka

21/01/2026 08:34

Żebë retac bezdomôcé zwierzãta przed zëmą, wezną je do schroniszcza. Czejbë chto miôł jich szëkac, dostóną czipë.

Ùrząd Gardu we Wejrowie ùgôdôł sã ze schroniszczã dlô zwierzãt „Ciapkòwò”, jaczé dzejô we Gdinie. Wszëtczé bezdomôcé zwierzãta złópóné we Wejrowie bãdą òdesłóné do tegò schroniszcza. Mô to zagwësnic jim bezpiek òb zëmã. Kòżdé bãdze zaczipòwóné, żebë pòtemù łôtwi szło miéwcóm je nalezc w schroniszczu, a jeżlë ti sã nie zgłoszą, żebë dało sã chùtkò zòrganizowac adopcjã. Zwierzãta żdże w „Ciapkòwie” téż òpieka weterinarzów. Ùrząd i schroniszczo przekôzałë, żebë zgłoszenia ò łażącëch pò miesce zwierzãtach nie dochôdałë zarô do schroniszcza, le do miesczi starżë. Wedle ùgôdënkù òna bãdze kòòrdinowac wszëtczé interwencje i transpòrt.

H.S.Sz.

Załączniki