„Ni mómë wòlë ùprawieniô relacjów z Repùbliką Kòreji” – gôdô przédniczka Departamentu Propagandë i Infòrmacje.
Kim Jo Dzong, szefòwô nordowòkòrejańsczégò Departamentu Propagandë i Infòrmacje, a téż sostra wódcë kraju Kim Dzong Ùna, òdniosła sã do wiadłów pòdôwónëch przez pôłniowòkòrejańsczé wòjskò, to je że pò zdjimniãcym przez nich głosników nadôwającëch propagandowé programë na grańcë z Nordową Kòreją sąsôd zrobił to samò. Kim Jo Dzong cwierdzy, że ji krôj nie zdjimnął głosników ani nie strzimôł transmisjów i ni mô tegò w planach. Wësmiała téż planë Pôłniowi Kòreji co do òdłożeniô na pózdni pòspólnëch wòjskòwëch cwiczënków z Amerikanama. Wedle ni starë pôłniowòkòrejańsczégò prezydenta Li Dze Miunga w sprawie òbcepleniô relacjów są bezskùtkòwné, a Kòrejańskô Lëdowò-Demòkraticznô Repùblika nie je zainteresowónô niżódnym dialogã. Ten pùnkt widzeniô mô téż bëc w przińdnoce pòcwierdzony w kònstitucje kraju.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie