Célã atakù bëłë pagerë nôleżników Hezbollahu. Sprôwcą mô bëc Izrael.
Zawczora (17 séwnika) w Libanie narôz zaczãłë wëbùchiwac pagerë tajwańsczégò mòdelu Gold Apollo AR-924. Òb 40 minut wicy jak 2800 sztëk lëdzy òstało renionëch, a zdżinãło dzewiãc. Znajôrze są zgòdą, że béł to zòrganizowóny atak, jaczégò célã bëlë nôleżnicë Hezbollahu – radikalny procëmizraelsczi szëjicczi partie, jakô je wiôlgą pòliticzną sëłą w Libanie. Kùpisz tëch prostëch ùrządzeniów przez Hezbollah w slédnëch miesącach jakno alternatiwë dlô mòbilków miôł ùniemòżebnic Izraelowi inwigilacjã procëmnika. Terô Hezbollah ò atak òbskôrżô izraelsczé specjalné służbë.
Nie je wiedzec w drobnotach, jak atak béł zrëchtowóny. Przistãpné w Internece nagrania, na jaczich je widzec fest machtné wëbùchë pagerów, mést òdcygają òd ùdbë, że eksplozje miałë bëc zjiszczoné przez prosté przegrzanié bateriów. Nôgwësni w partie produktu zamówiony przez Hezbollah òb czas wërôbianiô pagerów, do ùrządzeniów bëłë pòdłożoné môłé wielënë wëbùchòwëch ladënków. Amerikańsczi i izraelsczi repòrtérowie pòcwierdzają, że miôł za tim stojec Izrael.
Twoje zdanie jest ważne jednak nie może ranić innych osób lub grup.
Jo, a jesz pòstãpnégò dnia bòdôj krótkòwałówczi jima sã pôliłë.
Na tim Blësczim Wschòdze tak wiele sã dzeje, że całi pòrtal bë mógł bëc leno ò tim. Fejn ò tim gôdô W. Szewkò na swòjim karnôlu "Na wschód od Bliskiego Wschodu".