Strzód skôzónëch są òbëwatelë zôpadnëch krajów. Wzãlë ùdzél w krëwawim bùńce procëm rządowi.
W piątk 13. séwnika w Kinszase, stolëcë Demòkraticzny Repùbliczi Kònga, 37 lëdzy òstało skôzónëch na smierc za ùdzél w atakù procëm prezydentowi Félixowi Tshisekediémù z maja latoségò roku. Zdżinãło wnenczas dwùch kòngijsczich szandarów i sztërzech atakòwników, w tim wódca bùńtu Christión Malanga, òpòzycjowi dzejôrz i prezydent-samòzwańc ùsadzonégò w 2017 rokù rządu Nowégò Zajiru na wënëkanim (pòzwa nawlékô do Zajiru – państwa za rządów diktatora Mobutu Sese Seko w latach 1965-1997).
Strzód skôzónëch na smierc są m.jin. òbëwatelowie USA, Wiôldżi Britanie, Belgie i Kanadë. Jednym z nich je Marcel Malanga, Christianów syn, chtëren cwierdzył, że do ùdzélu w pùczu pòd grozbą smiercë przëmùsził gò jegò òjc. Wikszosc skôzónëch pòchôdô z kòngijsczi diaspòrë bùten kraju. Mają piãc dni na òdwòłanié sã òd rozsądzeniô sądu.
Demòkraticznô Repùblika Kònga latos w strëmiannikù copnãła mòratorium dlô wëkònywaniô sztrôfë smiercë.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie