Słôwnô sôdza òstała zamkłô w szescdzesątëch latach ùszłégò stalatégò, bò za drogò bëło jã ùtrzëmac.
Òd zymkù służbë wëznaczoné przez prezydenta Zjednónëch Stanów Donalda Trumpa zajimają sã kwestią bédowónégò przez niegò zôsnégò òdemkniãcô òstri sôdzë Alcatraz na òstrowie ò ti sami pòzwie na Hôwindze San Francisco. Administracjô pòdôwô, że pòd rozwôgą je czile mòżebnosców. Nôdrogszô kòształabë kòl wa miliardë dolarów i rzeszëłabë sã z rozbùdową terny infrastrukturë. Wariant za miliard zakłôdôłbë ùsadzenié mniészi sôdzë. Trzecą òpcją béłbë ùtrôp i przekôzanié sôdzë w priwatné rãce, ale na to szanse są nômniészé. Znajarze pòdsztrichiwają, że Trumpòwi barżi zanôlégô nad wëzwëskanim Alcatraz dlô prestiżu jak na jawerny brëkòwnoce, dlôte òn bë mést béł za przekôzanim czerownictwa federalnym wëszëznóm. We czwiôrtk sétmënôstégò lëpińca rzeczniczka Biôłégò Dodomù dała do wiadë, że nowò òdemkłi Alcatraz béłbë namieniony na ùsadzywanié nôbezpieczniészich przesprôwców z rozmajitëch kategòriów, tak òbëwatelów Stanów jak i nielegalnëch imigrantów.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie