Reklama
Bezdomôcy pòmazôł Òlëwską Brómã
26/02/2026 18:04
Òszpaconô kaplëca we Wejrowie padła célã psychiczno chòrégò człowieka. Retownicë zabrelë gò ju do szpitala.
Krótkò pò dwanôsti w nocë we strzodã dwadzestégò piątégò gromicznika na Mieską Starżã we Wejrowie trafiło zgłoszenié ò białce, jakô bònarzi pò miesce i sprôwiô jiwrë. Zerwała baner z jednégò ògrodzeniô, a tej malowała cos pò Òlëwsczi Brómie. W ji òkòlim miała sã krãcëc ju òd ósmi wieczór. Patról przëjachôł na plac i nie nalôzł białczi, le sztërdzesce jeden lat stôrégò bezdomôcégò chłopa, co sã przezeblókł tak òsoblëwie, że za białką z daleka mógł wëzdrzec. Tegò chłopa starżnicë ju znelë z rëchlészich interwencjów i bëłë pòdezdrzenia, że mòże bëc psychiczno chòri. Przed duńscym do Òlëwsczi Brómë pòmazôł jesz na czôrno pòlską pòznakã na czile bùdinkach, a na brómie òstawił pò so nôdpisë i symbòle. Przëkrił téż sztaturë Jezësa i Marëje sztofã, chtëren ùmòcowôł biôło-czerwioną tasmą. Wezwónô òstała pòlicjô i mediczny retownicë. Chłopa zabrelë do bòlëcë.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze