Chłop zwiornął z krómù z sokã, batonama i piwã pò tim, jak kasa òdrzucëła zapłatã kôrtą.
We czwiôrtk trzecégò lëpińca w jednym krómie przë szasëje Benisławsczégò we Gdinie kùpisze robił sétmëdzesąt szesc lat stôri chłop. Wzął sok, dwa szokòlôdowé batonë i sztërë bùdle piwa, za co próbòwôł przë kasë zapłacëc płatniczą kôrtą. Czej kòmijka mù rzekła, że płatnosc òstała òdrzuconô, chłop ùznôł że wińdze z krómù bez płaceniô. Krómòwô chcała gò zatrzëmac, le òn tedë wëjął pistól, jaczim czile razy ùderził jã w głowã, a pòtemù zwiornął z ùkradłima produktama. Zarô ò rabùnkù wiadã dostelë szandarzë z Kòmisariatu Pòlicje w Òksëwim. Tim dzãka nagranióm z mònitoringù chùtkò sã ùdało nalezc sprôwcã w jegò mieszkaniu. Pò przeszukanim placu òkôzało sã, że pistól, chtërnégò ùżił, to bél hukòwi pistól. Òstałë mù przedstawioné òbwinë rabùnkù z ùżëcym niebezpiecznégò nôrzãdła. Do sôdzë mòże za to trafic na òd trzech do dwadzesce lat.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie