Juliô Nawalnô, białka ùmarłégò w łagrze Aleksieja, procëmnika Pùtina, deklarëje chãc startu w prezydencczi welacje.
W wëdowiédzë dlô BBC Juliô Nawalnô, gdowa pò ùmarłim łoni w rusczim łagrze wódcë òpòzycje Aleksieju, zadeklarowała, że bãdze jic dali na miónczi z reżimã Władimira Pùtina ò pòwrót demòkratnëch sztandardów. Zapòwiedzała téż start w prezydencczi welacje pò ùpôdkù dzysdniowégò prezydenta. Wësłowiła téż fùl pòpiarcé dlô decyzjów pòdjimniãtëch przez ji chłopa za żëcô, kritikùjącë Zôpôd za felënk reakcje na przesztëmòwanié przez Pùtina Rusczi Federacje na mòdło aùtoritarnëch państwów. Nôdzejã na zjinakã widzy w bënowëch prodemòkratnëch rësznotach w Rusce.
Aleksiej Nawalny béł dzejarzã antikremlowsczi òpòzycje zaangażowónym w pòkazéwanié przëtrôfków rządowi kòrupcje i szachlarstwów. Òb czas swòji rézë za grańcã béł òtrëti przez nieznónëch sprôwców, a pò wrócenim do Rusczi òstôł aresztowóny i skôzóny na sztrôfną kòloniã na 19 lat, gdze ùmarł 16 gromicznika łońsczégò rokù. Jegò skôzanié òstało ùznóné na swiece za przëmiar pòliticznëch represjów.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie