W Rzimie szandarzë sznëkrëją za sprowadzonyma z Chin zachama, jaczé miałë bëc przedôwóné òb Jëbleùszowi Rok 2025. Jich szëkba wëdała ju machtny brzôd – skònfiskòwelë 6 mln dewòcjonaliów.
Italskô Financowô Pòlicjô zaczãła w Rzimie akcjã kònfiskòwaniô dewòcjonaliów i pamiątków z Watikanu chińsczi produkcje, namienionëch na przedôj z leżnoscë Jëbleùszowégò Rokù 2025. Przed czile dniama szandarzë pòzabiérelë z krómów ju 100 tësãcy krziżików, kòrónków, pôcórów, szlachòwnotów papieżów abò bazyliczi sw. Piotra. Kòntrole wëkôzałë w tëch zachach bëtnosc pòtencjalno szkòdlëwëch metalów, jaczich nie dopùszcziwają do òbrotu sztandardë Eùropejsczi Ùnie.
Nad to na wiele statkach bëło logò jëbleùszowégò rokù i jegò zéwiszcze „Pielgrzimòwie nôdzeji”, jaczé są merkã zaregistrowónym przez Watikan. W pòstãpnëch kòntrolach rzimsczi szandarzë nalezlë na banowiszczu Termini magazyn z kòl 6 miliónama dewòcjonaliów. Szlachòwnô jak ùprzédnym razã, towôr nie spełniwôł normów jakòscë i ùżiwôł nielegalno zaregistrowónégò merkù.
Jëbleùszowi Rok 2025 ògłoszony przez Papieża Frãcëszka w bùllë „Spes non confundit” mô dac bôczenié na sprawã szerzwieniô nôdzeji przez Kòscół. Zadanim òbchôdónëch co 25 lat jëbleùszów je przëbôczenié wiérnym miłoserdzégò doznôwónégò òd Bòga, a parłãczą sã z nima téż wiedno specjalné òdpùstë.
H.S.Sz
Twoje zdanie jest ważne jednak nie może ranić innych osób lub grup.
Chińsczi papiéż. I to jesz ze skôkającą głową? Na to jô bë nie przëszedł. Czekawé, co bë na to rzekła Sybilla. Wierã, że swiat sã kùńczi :)