Wëstãpë, degùstacje, kònkùrsë i lokalné produktë żdałë na zjachónëch do Chmielna lubòtników pòtrôwniców.
W sobòtã dwadzestégò ósmégò czerwińca w Chmielnie zrëchtowónô bëła dzewiątô edicjô Festiwalu Kaszëbsczich Malënów. Na przëszłëch na wëdarzenié mieszkańców i turistów żdałë stojiszcza, gdze szło kùpic brzadu i robionëch z niegò rozmajitëch produktów, a przë tim téż dokazów regionalnégò rzemiãsła. Wëdarzeniémù towarzëłë kònkùrsë inspirowóné pòtrôwnicama i wëstãpë mùzyczné, w tim Dãti Òrkestre Łapalëce czë karna Chmielanie, a téż kabaretowé. Chãtny mielë leżnosc wëjachac z môlu imprezë na malënowé pòla w òkòlim. Przëjachóny kùcharze pòkazéwelë przepisë na jestkù z malënama, a nôwôżniészim pùnktã rozegracje bëło pòspólné pieczenié tësąca ruńcelków z dodôwkã brzadu ùznôwónégò za drëdżi nôlepszi na swiece wedle internetowégò prowadnika TasteAtlas.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie