Blok stilizowóny na kamiéńcã zajimô wiôldżi part pôłniowi rédżi bùdinków kòl Stôrégò Rënkù w Chònicach. Pòjawiłë sã na nim wizerënczi chònicczégò tura i kaszëbsczégò grifa.
Skùńczëła sã naczãtô latos w lëpińcu renowacjô elewacje tpzw. „stalënówca” na pôłniowi stronie Stôrégò Rënkù w Chònicach. Slédnym razã bùdink béł òdnowiony w 2002 r. Òd stronë rënkù a téż sz. Céchòwi robòtnicë rëmnãlë całi brud, wëfùlowelë pòwstałé przez dwie dekadë ùszkòdë, a téż òdmalowelë elewacjã. Do kùpiszu farwów dołożił sã gard.
Bùdink nie je zabëtkã – òstôł wëbùdowóny w 60. latach ùszłégò stalatégò jakno blok z wiôldżi platë, chtëren przë renowacje z 2002 òstôł przemalowóny na szlachòwnotã historicznëch kamiéńców. Dlôte żebë mòc dofinancowac òdnowã, pòstrzódkù bùdinkù na górze òstałë przëdóné herbë z czôrnym turã i czôrnym grifã, to je pòznaków gardu i wòjewództwa, i tej dotacjô mògła bëc zarechòwónô jakno wëdôwk na promòcjã regionu. Kùńc kùńców gard zapłacył kòl 70 tës. złotëch, a négã kòsztów – 200 tës. – dała mieszkaniowô pòspólnota.
Bùrméster Chòniców Arseniusz Finster mô nôdzejã, że òdnowiony wëzdrzatk „stalënówca” zachãcy miéwców jinëch bùdinków do jich renowacjów i wespółrobòtë z gardã w tim pòdjimniãcym.
Twoje zdanie jest ważne jednak nie może ranić innych osób lub grup.
tej nawetka bloczi z wiôldżi platë mògą bëc snôżé (në brutalizm téż mô swòją estetikã, ale to cos jinszéwò)
Na Kaszëbach wszëtkò mòże bëc snôżé, a ju òsoblëwie w Chònicach. Zdôwô mie sã, że to dzysdnia jeden z pëszniészich gardów nié blós na Kaszëbach.