Reklama

Ùczestnilë pamiãc ò zabitëch òb wòjnã

Klëka

07/10/2024 15:23

Òdj. Facebook Gdańskiego Oddziału Zrzeszenia Kaszubsko-Pomorskiego

Mszô z czëtaniama pò kaszëbskù pòprzédzëła mòcką deklaracjã łączbë Kaszëbów z historią pòlsczi martirologie.

W niedzelã 6. rujana w Klëkòwie (dzysdnia part gduńsczi dzélnicë Matarniô) gduńsczi part Kaszëbskò-Pòmòrsczégò Zrzeszeniégò zòrganizowôł ùroczëznã, jakô ùpamiãtniła mieszkańców kaszëbsczich wsów Klëkòwò, Firoga, Matarniô i Bësewò, chtërny zdżinãlë z rãk niemiecczich a sowiecczich òb II swiatową wòjnã. Pòtkanié zaczãła mszô z czëtaniama pò kaszëbskù, jaką òdprawił ks. Jarosłôw Ropel. Ùdzél w ùroczëznie wzãlë nôleżnicë KPZ, Klubù Kaszëbów w Matarnie, Radzëznë Dzélnicë Matarniô a téż przedstôwcë Spòdleczny Szkòłë nr 82 w Klëkòwie.

Zrzeszenié pòdsztrichnãło, że Kaszëbi pòmòrdowóny w Piôsznicë, Kalësczich Lasach i Bësewie pònieslë priz swòjégò żëcégò za staniãcé pò stronie Pòlsczi. Przëbôczëło nié blós zòrganizowóné pògromë jaczich dokònelë Niemcë, ale téż stolëmné stratë i mòrdarstwa chtërnëch dopùscziwelë sã żôłnérze Czerwiony Armie w 1945 r. Na merk tczë dlô òfiarów wòjnë pòd stojącym òd 2003 r. pamiãtkòwim kamieniã złożoné òstałë kwiatë.

Czytaj nas w Google

Dodaj do Google

Źródło i opracowanie własne