Wëszëznë Człëchòwa mają nôdzejã, że jiné gminë w krézu bãdą wspiérałë fónksnérowanié niedôwno wëremòntowónégò banowiszcza.
Skarbniczka Człëchòwa na slédny Kòmisje Bùdżetu i Miesczi Infrasztrukturë zapòwiedzała, że gard bãdze żdôł òd jinëch samòrządów w człëchòwsczim krézu dokłôdaniô dëtków do ùtrzimaniô banowiszcza w Człëchòwie. Tłómaczëła, że òdkąd gard ju mô banowiszcze w 2020 r. wëremòntowóné, całi czas je ùtrzëmiwô, a doch òno je brëkòwóné nié blós przez mieszkańców Człëchòwa. Za przëmiar gminë, jakô ju deklarëje chãc dołożeniô sã do òbiektu, pòda wieską gminã Człëchòwò.
„Chcemë westãpic jesz bez òkresliwaniô reglów, terô na etapie projektu bùdżetu, żebë samòrządë, jaczé zechcą wspierac tã inwesticjã, ju to ùjimnãłë w swòjich projektach bùdżetu. Kò to je – taczi jesmë dbë – pòspólnô krézowô rzecz” – gôdała do człëchòwsczich radnëch skarbniczka Ùrszula Stupałkòwskô.
Banowiszcze w Człëchòwie òstało generalno wëremòntowóné w latach 2019-2020 dzãka dotacjóm òd Eùropejsczi Ùnie pò piãc latach negòcjacjów z Pòlską Państwòwą Baną ò przejãcym bùdinkù.
Twoje zdanie jest ważne jednak nie może ranić innych osób lub grup.
Komentarze opinie