Sprawa przënôleżnotë Krimù do Ùkrajinë a téż represjów wedle krimskòtatarsczégò lëdztwa bëłë przédnyma témama wëstąpieniów òb czas tpzw. Krimsczi Platfòrmë.
Krimskô Platfòrma to diplomatnô platfòrma ùrësznionô w 2021 rokù przez prezydenta Ùkrajinë, Wòłodimira Zełensczégò, namienionô sprawie Krimsczégò Półòstrowù i jegò zagarniãcémù przez Ruską Federacjã w 2014 rokù. 11 séwnika w Kijiwie naczął sã ji czwiôrti wëszëńc, w jaczim ùdzél bierzą przedstôwcowie wnet szescdzesąt krajów i midzënôrodnëch òrganizacjów, jaczé ùznałë Krim za integralny part ùkrajińsczégò państwa. Na zéńdzenim òkróm przemôwiającégò na òdemkniãcym prezydenta Ùkrajinë bëlë m.jin. prezydent Lëtwë, premierzë Łotwë i Chòrwacczi, a téż sekretéra stanu USA Antony Blinken.
Òkróm témë prawny przenôleżnotë półòstrowù, czãsto w wëstąpieniach gôdelë ò kawlu Krimsczich Tatarów jakno lëdztwa pòddôwónégò represjóm i rusyfikacje, pòmsce za bòjkòt referendum z 2014 r. w sprawie doparłãczeniô Krimù do Rusczi. Wôżnyma bëtnikama wëdarzeniégò bëlë krimskòtatarsczi dzejarze Mustafa Dżemilew a téż Refat Czubarow.
Wëszëńc Krimsczi Platfòrmë nie dôł zabëc ò rusczi agresje na Ùkrajinã. W dniu òdemkniãcô w Kijiwie béł ògłoszony pòsobny latawny alarm na skùtk zagrôżbë atakù balisticznyma rakétama.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie