Do pògrzebù wòjarza mùszało dóńc na przełómanim trzënôstégò a sztërnôstégò stalatégò.
Òd wtórkù ósmégò lëpińca reno dérowałë robòtë kòl nagrobny platë z kalkòwégò kamienia z przełómaniô trzënôstégò a sztërnôstégò stalatégò na pòòstałoscach strzédnostalatnégò smãtarza na nórce szasëjów Suknowi i Gardzczi we Gduńskù. Na place dobrze sã ùchòwôł wizerënk ricerza trzimiącégò miecz nad głową, co wedle znajarzów je nietipicznym przedstawienim dlô Pòmòrzégò. We strzodã plata òstała cawno wëcygłô i przekôzónô do Archeòlogicznégò Mùzeùm we Gduńskù, a we czwiôrtk zbadérowóné bëło bënë grobù. Znajarze pòcwierdzëlë, że trzëdzescë centimétrów pòd pólnyma kamieniama, na jaczich pòłożonô bëła plata, leżôł chłop dłudżi na méter òsmëdzesąt, co na jegò czasë bëło wiele. Planowóné są dalszé badérowania tak platë jak i grobù.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie