Wòjskò na szasëjach amerikańsczi stolëcë wënëkô bezdomôcëch i pòzamikô przesprôwców.
Prezydent Zjednónëch Stanów Donald Trump ògłosył, że w tim tidzeniu wësle òsmëset żôłnérzów Nôrodny Gwardie do Waszingtonu i pòddô tameczną pòlicjã pòd dozér federalny. Jegò célã je biôtka z przesprawim w stolëcë, z czim radë sobie ni mògłë dac wëszëznë gardu, webróné z remienia partie demòkratów. Jak napisôł na swòjim spòlëznowim pòrtalu Truth Social, jegò célã je wëwiezenié z gardu wszëtczich bezdomôcëch i zagwësnienié jim môlu do spaniô dalek òd stolëcë, przesprôwców za to chce pòzamëkac w sôdzach. Na prasowi kònferencje w pòniedzôłk jednôstégò zélnika gôdôł téż ò likwidacje waszingtońsczich slamsów i rozprawienim sã z karawanama bówków barłożącëch pò miesce òb dzéń i noc. Zapòwiedzôł, że na szasëjach lëdze bãdą widzec pôłno szandarów i agentów, a tak bãdą sã czëlë bezpieczno i szczestlëwie. Radzëzna gardu skritikòwała decyzjã Trumpa wskazéwającë, że chòc przesprawié je wësoczé, to je òno dzysdnia nôniższé òd trzëdzesce lat, co dokazéwô, że dzejania wëszëznów są skùtkòwné. Bùrmésterka Muriel Bowser scwierdzëła, że chòc prezydent pòdjimô decyzje wątplëwé ë na grańcë prawa, to dodôwkòwô bëtnosc szandarów i wòjska mòże pò prôwdze pòmòc miastu. Zadeklarowała wespółrobòtã z federalnyma wëszëznama.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie