Jedna z teòriów pòlicje co do mòrdarstwa przed banowiszczã òkôzała sã bëc nieprôwdzëwô.
We strzodã trzëdzestégò lëpińca reno w Lizbònie niedalek banowiszcza Rossio nalazłé òstało bezgłowé cało chłopa pòchôdającégò z Africzi. Pòstãpnégò dnia do lizbòńsczi Bòlëcë Swiãtégò Józefa przëszedł dwadzescedzewiãclatny sztudéra, téż cëzyńc, jaczi przëniósł ze sobą głowã òfiarë. Cwierdzył, że jã miôł nalazłé, ale òbsłëga bòlëcë zarô dała do wiadë szandaróm, jaczich pòsterënk je ùsadzony w tim samim bùdinkù. Zatrzimóny sztudéra przëznôł sã do mòrdarstwa. Òfiarã pòznôł w nocë czile gòdzyn przed ji zabicym, a nad renã pòsztridôł sã z nią na szasëje i kùchennym nożã òdcął ji głowã, jaką zabrôł ze sobą. Przódë pòlicjô docygała, że zbrodniô je sparłãczonô z dzejaniama narkòtikòwëch gangów, ale pò dotëgòwanim głowë przez mòrdarza sprawa sã wëwidniła.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie